Кукмарада юл кырайларына ник балчык җәяләр?

Кукмарада юлларга асфальт җәелә, әмма юл кырыйларына балчык салалар. Анда вак таш яки асфаль түшәлергә тиеш түгел мени? Бер яңгыр явып үтсә, бөтен туфрак машина тәгәрмәченә ияреп чыгып асфальтны пычратачак бит. Юлларны төзекләндергәннән соң кем кабул итеп ала икән, әлеге сорауга җавап бирсеннәр иде.

Газета укучы

Әлеге сорауга “Татавтодор” җәмгыятенең “Кукмара” юл төзелеш-ремонт участогы җитәкчесенең урынбасары Рөстәм Зариповтан түбәндәге җавап алынды:

- Газета укучыга кызыксынуы, борчылуы өчен рәхмәт. Барлык юл-төзелеш эшләре дә технология буенча, проект-смета документларына туры китереп ашкарыла. Асфальт кырыендагы тәбәнәк урыннарга башта балчык җәябез, аннары аны вак таш белән ныгытабыз. Хәзерге вакытта Степан Разин урамында балчык җәелеп бетте, вак таш түши башладык. Магистральный урамында да шул ук эшләр башкарылачак.

фото: Татавтодор