Адайда балалар өчен Яңа ел бәйрәме үтте

Узып бара елның соңгы минутлары,
Бар дөньяда балкый Яңа ел утлары.
Балаларның бәхетле йөзләре сабый чакны искә төшерә.
Әйтерсең лә барып кайттым балачак иленә.

Яңа ел яңа өмет, шатлык, яңа бәхет алып килә дип, бүген Адай авылы клубында балалар өчен Яңа ел бәйрәме оештырылды. Бик матур узды ул. Кыш бабайның күчтәнәчләре бирелде, әти-әниләргә, Яңа ел белән котлап, балаларның үз куллары белән әзерләнгән открыткалар тапшырылды.

Бәйрәм тамашасыннан күтәренке кәеф алып таралыштык.

Яңа елны бергә-бергә, дуслар белән, тыныч, матур итеп каршыларга язсын барчабызга. Бәйрәм белән!

Фәния Хәбибуллина