Кукмарада ЮХИДИ хезмәткәрләре рейд вакытында куркынычсызлык каешларын куллану кагыйдәләрен бозуның җиде очрагын ачыклады

Бүген Кукмарада ЮХИДИ хезмәткәрләре «Куркынычсызлык каешы» дигән оператив-профилактик чара үткәрделәр. Бу хакта районның ЮХИДИ бүлеге хәбәр итә.

Рейд барышында куркынычсызлык каешларын куллану кагыйдәләрен бозуның җиде очрагы ачыкланды. Әлеге хокук бозу өчен штраф 1000 сумны тәшкил итә.

Дәүләт инспекторлары автомобильдә шофер да, пассажирлар да куркынычсызлык каешын эләктергән булырга тиеш, дип искәртә.

фото: районның ЮХИДИ бүлеге