Татарстанда киләсе атна җылы, әмма яңгырлы көннәр белән башлана

Фаразлардан аңлашылганча, республикада җылыта, әмма көннәр яңгырлы булачак, дип яза «Татар-информ» МА.

Җомга көнне, 13 майда, республикада яшенле һәм көчле җил көтелә. Төнлә һава температурасының +2°..+7°, көндез +11°..+16° булуы көтелә.

Шимбә көнне, 14 майда, тотрыксыз һава торышы саклана. Яңгыр явуы ихтимал, урыны белән җилле булачак. Төнлә термометр баганалары +5..+10 градус җылылык күрсәтер, көндез һава +15..+20 градуска кадәр җылыначак.

15 майда, якшәмбе көнне, яшенле яңгыр фаразлана. Синоптиклар тизлеге секундына 15-18 метрга кадәр җитә торган көчле җил турында кисәтә. Төнлә һава температурасы +5°..+10° булачак.

Киләсе атна ял көннәрендәге кебек үк һава торышы белән башланыр дип фаразлана. Дүшәмбе көн яңгырлы киләчәк, һава көндез +15°..+20° җылы булачак.

фото: Артур Зәкиев