Ярминкәдә ЮХИДИгә эш бар

(2 ноябрь, Кукмара, "Хезмәт даны"). Шөкер, Кукмарада атна саен диярлек ярминкәләр үткәрелә. Мин дә аннан кирәкле әйберләремне сатып алырга тырышам. Шуңа игътибар иттем: халык ит, бәрәңге, кәбестә, сөт ризыкларын яратып ала. Бер яхшының бер начары булган кебек, бу очракта да оештырып бетерәсе мәсьәлә бар: ярминкә вакытында бу тирәдә транспорт чаралары бик күп туплана. Авария килеп чыгу куркынычы да арта. Кемдер ягулык салу станциясенә үтәргә тели, икенчеләре ярминкә мәйданчыгына автомобиле белән керә. Бу көнне машина йөртүчеләр арасында тәртип салып торырга ЮХИДИ хезмәткәре кирәклеге бәхәссез. Бу- минем генә түгел, ярминкәгә килүчеләрнең дә фикере.

Мөнирә.