Сугыш ветераннары онытылмый

Үткән елда Бөек Җиңүнең 70 еллыгына эшмәкәр Юлдаш Гатауллин тарафыннан безнең авылда стела куелган иде. Быел да бирегә яу кырында һәлак булган, авылга кайткач үлгән сугыш ветераннары хөрмәтенә чәчәкләр куелды, сугыш афәте турында чыгышлар яңгырады. Мәрфуга Таскалиева, әтисенең фронтка китеп, дошманга каршы көрәштә үлеп калуы, гомере буе аны юксынып яшәве турында сөйләде.

Икенче көнне авыл үзешчәннәре һәм Нырты мәктәбе укучылары көче белән клубта концерт куелды.

Сөфия ИЛЬЯЗОВА, Төркәш авылы