Татарстандагы М7 трассасында йөк машинасы хатын-кызны бәрдергән

Кичә Татарстанда йөк машинасы 50 яшьлек хатын-кызны бәрдергән. Юл һәлакәте кичке тугызда М7 трассасының 856 нчы чакрымында — Питрәч районы Шәле авылы янында булган, дип яза «Татар-информ» МА.

Йөк машинасы белән 24 яшьлек Чаллыда яшәүче кеше идарә иткән. Хатын-кыз алган җәрәхәтләреннән шунда ук үлгән.

Хәзерге вакытта тикшерү оештырылган, авариянең сәбәпләре ачыклана. Юл-транспорт һәлакәте урынына Питрәч районы прокуроры Алмаз Әхмәтшин чыкты. Бу хакта Татарстан прокурорының өлкән ярдәмчесе Руслан Галиев хәбәр итте. 

«Кукмор Татарстан» МАКС каналына язылыгыз