Татарстанда коронавирус белән зарарлануның 88 яңа очрагы расланган

Тәүлек эчендә Татарстанда Covid-19 белән зарарлануның 88 яңа очрагы ачыкланды. Бу хакта коронавирус буенча оператив штаб хәбәр итә, дип яза «Татар-информ».

20 кеше хастаханәгә салынган, 68 кеше өйдә дәвалана. Берсе – читтән кертелгән, ә калганнары элемтә юлы белән инфекция алу очраклары.
Иң күп зарарлану очраклары Казанда теркәлгән — 51 кеше. Яр Чаллы шәһәрендә – 21, Яшел Үзән районында – 5, Арчада – 3, Әтнә һәм Саба районнарында икешәр кеше. Азнакай, Аксубай, Әлки, Апас, Балтач, Биектау, Лаеш, Минзәлә, Түбән Кама, Сарман, Тәтеш, Ютазыда берәр очрак ачыкланган.

Татарстанда бүгенге көнгә кадәр барлыгы Covid-19ның 2400 очрагы расланган. 1301 кеше савыккан.

фото: ИА «Татар-информ»

«Кукмор Татарстан» МАКС каналына язылыгыз