Татарстанда һава торышы коры һәм салкын булачак

Татарстанда киләсе өч тәүлектә һава торышы салкын Скандинавия антициклонына бәйле булачак. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Якшәмбе, 28 октябрьдә, төбәк аша уза торган атмосфера фронты көчле җил, юеш кар, яңгыр алып килгән булса, хәзер метеорологик вазгыять бераз үзгәрә, дип яза Татар-информ.

Сишәмбе һәм чәршәмбе явым-төшем булу ихтималы аз. 1 ноябрьдә урыны белән яңгыр һәм кар көтелә, бозлавык булуы мөмкин.

Иртәгә, 30 октябрьдә, төнлә һава температурасы 2дән 7 градуска кадәр салкын, көндез бер-ике градус җылы булачак.

Аннан соңгы көннәрдә төнлә 4–9 градус салкын булачак. Көндез –3тән +2 градуска кадәр җылытачак, дип хәбәр итә республика синоптиклары.

фото: Эльвира Мөбарәкшина, "Хезмәт даны"