Кукмараның авыл хуҗалыгы предприятиеләре эшчеләренә булган бурычны кайтарган

Прокуратура “Яңа тормыш” һәм “Уңыш” авыл хуҗалыгы предприятиеләрендә хезмәт хакын түләмәү фактларын ачыклады.

Хуҗалыкларның 214 кешегә хезмәт хакы буенча бурычлары булган. 2019 елның июнь-июль айларында ул 2 миллион сумнан артып киткән. Прокуратура, гражданнарның бозылган хокукларын торгызу максатыннан, әлеге предприятие җитәкчеләре адресына күрсәтмәләр кертте.

Хәзерге вакытта закон бозу очраклары бетерелгән: хезмәткәрләргә тиешле хезмәт хакы тулы күләмдә түләнгән.
 

«Кукмор Татарстан» МАКС каналына язылыгыз