Кукмарада яшәүче Венера һәм Ринат Кәримуллиннар алтын туйларын билгеләп үтте

Гөлия НИГЪМӘТУЛЛИНА, 24 август 2023 - 15:47

700

Аларның исемнәре «Районның мактаулы юбилярлары» китабына кертелде.

Кукмарада яшәүче Венера һәм Ринат Кәримуллиннар алтын туйларын билгеләп үтте

Кукмарада яшәүче Венера һәм Ринат Кәримуллиннар алтын туйларын – 50 ел бергә гомер итүләрен билгеләп үтте. Аларның исемнәре «Районның мактаулы юбилярлары» китабына кертелде.

Бәхетле парны истәлекле дата белән район башлыгы урынбасары Резеда Гаянова, район “Халыклар дуслыгы” йорты җитәкчесе Гөлнара Гареева, ЗАГС бүлеге җитәкчесе Зөлфия Латыйпова һәм балалары, дуслары котлады. Венера апа белән Ринат абый өч балага гомер биргәннәр, өч оныклары бар. Бүгенге көндә улы Динар һәм килене Алмазия тәрбиясендә бәхетле картлык кичерәләр.