Кукмара районының архив бүлеге республика конкурсында Грант отты

Татарстан Республикасы Дәүләт комитеты республиканың муниципаль архивларына грант ярдәме алу бәйгесенә нәтиҗә ясады. Ике номинациядә оештырылган бәйгедә 34 муниципаль архив катнаша һәм аларның 14е җиңүче була. Район Башкарма комитетының архив бүлеге “Россия Федерациясе Архив фонды һәм башка архив документлары сакланышын тәэмин итү проектларына ярдәм” номинациясендә җиңү яулады. Кукмаралылар “Бөек Ватан сугышы елларында ТАССР Кукмара районы тормышы” дигән проект тәкъдим итте.