Кукмара кешесе плитәгә ашау әйберсе куйган килеш йоклап киткән

Кукмара кешесе фатирында газ плитәсенә ашау әйберсе куя һәм йоклап китә. Бу турыда Кукмара районының 117нче коткару-сак частенең элемтә пунктында хәбәр иттеләр. 

11 октябрьдә сәгать 13.15тә 117нче янгын-коткару частенә Кукмараның Королев урамындагы 7 нче йортның подъездында янган ис килүе турында хәбәр алына.

Янгын сүндерүчеләр килгәч ачыкланганча,  йортның дүртенче катындагы фатирларның берсендә яшәүче плитәгә ашау әйберсе куя һәм йоклап китә, ашавы көя башлый. Беркем дә зыян күрми.

фото: Кукмара районының 117нче коткару-сак часте