Дилбәр Гаязова: Быел кызыбыз кияүгә чыкты

Дилбәр ГАЯЗОВА, “КукморЗерноТорг” җәмгыяте ашханәсендә өлкән пешекче:

- 2018 ел бары тик яхшы һәм бәхетле мизгелләр белән генә истә калыр. Аллага шөкер, эштә бар да яхшы, коллективыбыз дус, килешеп эшлибез. Әле күптән түгел генә оешмабызга яңа җитәкче килде. Гаиләдә дә тынычлык хөкем сөрә, бер-беребезне аңлап, хөрмәт итеп яшибез. Әти-әниләр дә исән-сау. Алга таба да шулай булсын. Шулай ук узып баручы ел пенсия реформасы белән истә калыр. Быел булган тагын бер күңелле вакыйга ул – кызыбыз кияүгә чыкты. Шуңа күрә сөенечле мәшәкатьләр күп булды.