Чишмәбаш укучылары әти-әниләрен бәйрәмнәр белән котлады

Чишмәбаш мәктәбендә бик күңелле "Гаилә бәйрәме" узды. Укучылар әти-әниләрен котлап бүләкләр тапшырдылар. Бергәләшеп уеннар уйнадылар, викторина сорауларына җаваплар бирделәр. Укучылар көче белән концерт әзерләнде. Әти-әниләрдән Хаҗиева Альбина, гармунчы һәм җырчы Ахкамов Айдар, Булат һәм Эльмира Гомәровалар башкарган җырлар һәркем күңеленә хуш килде. Һәр сыйныф әти-әниләре аерым хор белән дә җырларладылар. Бәйрәм чәй өстәле артында дәвам итте. Кичә тәмамлангач та, әти-әниләр кайтырга ашыкмадылар. Яшьлек чоры музыкаларына биеделәр, күңел ачтылар. Җыр һәм биюләр белән үрелеп барган бәйрәм һәркем күңелендә матур истәлек булып сакланыр.

Суфия Шәфигуллина