Республикада көчле яңгырлар, яшен, боз явуы һәм секундына 24 метр тизлектә исүче җил көтелә.
Татарстан Республикасы Гидрометеорология һәм әйләнә-тирә мохитне күзәтү идарәсе мәгълүматлары буенча, якын арада республикада кисәк кенә һава торышы бозылырга мөмкин. Бу хакта Гадәттән тыш хәлләр министрлыгының матбугат хезмәтендә хәбәр иттеләр.
“Татарстанда шторм кисәтүе игълан ителде. Алдагы өч сәгатьтә һәм көн азагына кадәр Татарстанның көньяк районнарында яшен, көчле яңгыр, боз явуы һәм секундына 24 метр тизлектә исүче җил көтелә”, - диелә хәбәрдә.
фото: pixabay.com
«Кукмор Татарстан» МАКС каналына язылыгыз
Нет комментариев