Җәяүледә яктылыкны кире кайтаручы элементлы әйберләр булмаган.
Кукмара районында җиңел машина йөртүче юлда утырган ир-атны бәрдергән. Бу хакта район ЮХИДИ идарәсендә хәбәр иттеләр.
Авария 9 ноябрьдә 17.05 сәгатьтә «Мамадыш-Кукмара-Арпаяз» юлында була. «Рено Дастер» автомобиле йөртүчесе куркынычсыз тизлекне сайламаган һәм юлда утыручы җәяүлегә бәрелгән. Ир-атның үзендә яктылыкны кире кайтаручы элементлы әйберләре булмаган.
Юл-транспорт һәлакәте нәтиҗәсендә 35 яшьлек ир-ат төрле җәрәхәтләр ала һәм «Ашыгыч ярдәм» машинасында район үзәк дәваханәсенә китерелә, аннан Арча дәваханәсенә озатыла.
Ачыкланганча, ир-ат исерек хәлдә булган.
Фото: район ЮХИДИ хезмәте
«Кукмор Татарстан» МАКС каналына язылыгыз
Нет комментариев