Кукмарада күпфатирлы йортта яшәүчеләр, подъездга төтен чыгу сәбәпле, янгын сүндерүчеләрне чакыртканнар

Кукмарада күпфатирлы йортта яшәүчеләр подъездда төтен булу сәбәпле, янгын сүндерүчеләрне чакырганнар. Бу хакта Кукмара районының 117нче янгын-коткару частенда хәбәр иттеләр.

15 ноябрь көнне 00.46 сәгатьтә 117нче янгын-коткару частеның элемтә пунктына Кукмара шәһәренең Нур Баян урамындагы 35нче йорт подъездында төтен чыгу турында хәбәр алына.

Янгын сүндерүчеләрне йортта яшәүчеләр каршы алып, беренче каттагы запас чыгу юлы төтенләнү турында хәбәр итәләр.

Нәтиҗәдә 0,5 квадрат метр мәйданда запас чыгу юлындагы ишек яна.

Фото: 117нче янгын-коткару часте