Кукмара районында наркоманиядән җәфа чигүче өч кешене машина йөртү хокукыннан мәхрүм иткәннәр

Кукмара районы прокуратурасы медицина күрсәтмәләре буенча каршылыгы булган затларны транспорт чаралары белән идарә итү хокукын туктату турында судка мөрәҗәгать итте.

Өч кукмаралының транспорт чаралары белән идарә итүгә хокукы булган. Шул ук вакытта алар наркотик яки психотроп матдәләр куллануга бәйле рәвештә, район үзәк дәваханәсендә табиб-наркологта исәптә торган.

Кукмара район суды дәгъвачының таләпләрен канәгатьләндерде: җавап бирүчеләрнең машина йөртү хокуклары туктатылды.