Кукмара районында Covid-19 белән зарарлануның ике яңа очрагы расланган

Республикада Covid-19 белән зарарлануның 30 яңа очрагы расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 8 кеше хастаханәгә салынган, калган 19 кеше өендә дәвалана. Берсе – читтән кертелгән, калганнары элемтә нәтиҗәсендә авыручылар.

Казанда коронавирус йоктыруның 14 очрагы ачыкланган. Яр Чаллы, Әлмәт, Саба, Кукмара районнарында – икешәр, Алексеевск, Бөгелмә, Яшел Үзән, Сарман районнарында – берәр.

Татарстанда бу бөтен вакыт эчендә 6536 Covid-19 очрагы теркәлгән, 5356 кеше терелгән.

Авыручылар күрше районнарда да бар. Саба районында да Covid-19 белән зарарлануның ике очрагы расланган.

фото: «Татар-информ»