Фото: Кукмараның “Кыңгырау” балалар бакчасында “Керән базары” дип исемләнгән бәйрәм узды

Бүген Кукмараның "Кыңгырау" балалар бакчасында "Керән базары" дип исемләнгән бәйрәм узды. Чараны балаларны татар теленә өйрәтүче тәрбияче Рәйхана Степанова оештырды. Тамашачы алдында 50нче еллардагы чынбарлык - базар күренеше тасвирланды. Тәрбиячеләр, тәрбияче ярдәмчеләре һәм балалар катнашындагы бәйрәмдә татар, рус, удмурт халкының җырлары, биюләре, гореф-гадәтләре яктыртылды.

- Туган тел көне уңаеннан шундый кызыклы чара үткәрергә уйладык. Керән базары - Кукмарабызда гына булган бердәнбер базар. Анда төрле җиләк-җимеш, яшелчәдән тыш, файдалы керән тамырына кадәр сатылган. Базарның урыны туган төбәкне өйрәнү музее каршында икәнлеге билгеле, -дип сөйләде Рәйхана ханым.

Бу хакта тулы язма газетаның киләсе саннарының берсендә биреләчәк.

Йолдыз НИЗАМИЕВА

«Кукмор Татарстан» МАКС каналына язылыгыз