Кукмара районында җиңел машина юл читенә төшеп киткән

Кукмара районында булган юл-транспорт һәлакәтендә зыян күрүче бар. Бу хакта район Дәүләт автоинспекциясендә хәбәр иттеләр.

Юл һәлакәте быелның 4 июлендә 10:50 сәгатьтә Мамадыш — Кукмара — Кәркәүч — Сосмак автомобиль юлының 1нче чакрымында килеп чыга.

Беренчел мәгълүматлар буенча, ВАЗ-2199 автомобиле шоферы Кукмарадан Кәркәүч авылы юнәлешендә хәрәкәт иткәндә куркынычсыз тизлекне сайламыйча идарәне югалта да, автомобиль юл читенә төшеп китә.

Юл-транспорт һәлакәте нәтиҗәсендә зыян күргән 1948 елгы Кукмара кешесе район үзәк дәванәсенә китерелә.

Фото: район Дәүләт автоинспекциясе

«Кукмор Татарстан» МАКС каналына язылыгыз