Радиога кызыклы тапршырулар кирәк

Элек радионы бик яратып тыңлый идек. Матур концертлар яңгырый, эчтәлекле тапшырулар әзерлиләр иде.  Ә хәзер, минемчә, эфирда җырга күп урын бирелә, нишләптер яңалыклар, файдалы мәгълүмат аз укыла. Музыка куеп утыру бик җиңел эш бит. Кайбер җырлар көнгә әллә ничә мәртәбә яңгырый. Татар теле бетеп бара, дип, хәзер төрле яктан искәртеп торганда, нигә матур итеп татар шагыйрьләренең, татар язучыларының әсәрләрен өзекләп укымыйлар, спектакльләр тыңлатмыйлар? Кызыклы шәхесләр белән әңгәмәләр тыңлау да күңелгә хуш килер иде. Радио тыңлаучы буларак, минем Кукмара радиосыннан да җанлы, кызыклы тапшырулар ишетәсем килә.

Газета укучы

фото: pixabay.com