Татарстанда тәүлек эчендә коронавирусның 33 яңа очрагы ачыкланган

Татарстанда узган тәүлектә коронавирусның 33 яңа очрагы ачыкланган. Бу хакта ТРда коронавирус буенча оператив штаб хәбәр итә.

Барысы да якыннан аралашканда йоктырылган. 13 кеше дәваханәгә салынган, 20 кеше өйләрендә дәвалана.

Казанда - 15, Яр Чаллыда – 9, Алексеевск районында – 3, Әгерҗе районында – 2, Бөгелмә, Яшел Үзән, Лаеш, Спас районнарында - берәр авыру очрагы ачыкланган.

Бөтен вакыт эчендә Татарстанда Covid-19ның 20 068 очрагы теркәлгән, 17 158  кеше терелгән, шул исәптән 3 - узган тәүлектә.

Фото: «Татар-информ» МА