Кукмарада хатынына үтерү белән янау факты буенча 55 яшьлек ир-ат суд каршына басачак

Кукмара районы прокуратурасы 55 яшьлек ир-атка карата җинаять эше буенча гаепләү актын раслаган. Ул үтерү белән янауда гаепләнә.

Әлеге вакыйга Иске Юмья авылында була. Сорау алу версиясе буенча 2025 елның 18 июлендә якынча 14.00 сәгатьтә исерек хәлдәге ир-ат үз хуҗалыгының бакчасында булганда хатыны белән ачуланыша һәм, уң кулына кухня пычагы алып, аны хатынына таба ыргыта. Шул ук вакытта, мин сине үтерәм дип, янау сүзләре әйтә.

Зыян күрүче, гаепләнүченең агрессив тәртибен, шулай ук исерек хәлдә булуын, кухня пычагы куллануын исәпкә алып, үтерү белән янауны реаль кабул итә.

Ир-ат гаебен тулысынча таныды һәм кылган эшенә үкенде.

Җинаять эше җәмәгать судына җибәрелде.