Кукмара районында Covid-19 белән зарарлануның бер яңа очрагы расланган

Республикада Covid-19 белән зарарлануның 30 яңа очрагы расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 7 кеше хастаханәгә салынган, калган 23 кеше өендә дәвалана. Берсе – читтән кертелгән, калганнары элемтә нәтиҗәсендә авыручылар.

Казанда коронавирус йоктыруның 14 очрагы ачыкланган, Саба районында – биш, Буа районында – өч, Яшел Үзәндә – ике, Яр Чаллы, Алабуга, Кукмара, Питрәч, Балык Бистәсе, Чистай районнарында – берәр.

Татарстанда бу бөтен вакыт эчендә 6191 Covid-19 очрагы теркәлгән, 5013 кеше терелгән.

фото: «Татар-информ»