Кукмара районында яшәүчеләргә ЮХИДИ дәүләт хезмәтләре порталының өстенлекләре турында искәрттеләр

Электрон хезмәтләрнең уңайлылыкларын елдан-ел күбрәк сизәбез. ЮХИДИ идарәсе тарафыннан да бик күп төрдәге электрон хезмәтләр күрсәтелә. Бу хакта район ЮХИДИ җитәкчесе Фирдүс Фәхретдинов хәбәр итте.

Дәүләт хезмәтләре алу өчен чәршәмбе 14.00-17.00 сәгатьләрдә, шимбә 8.00-13.00 сәгатьләрдә аеруча күп кеше мөрәҗәгать итә. Кукмара районының ЮХИДИ подразделенисенә килүне планлаштырганда әлеге мәгълүматны искә алуыгызны сорыйбыз. 

Транспорт чарасын теркәү, транспорт чарасының конструкциясенә үзгәрешләр кертү өчен рөхсәт, транспорт чараларын куркыныч йөкләр ташуга кертү турында, транспорт чарасының конструкциясенә кертелгән үзгәрешләр белән иминлек таләпләренә туры килүе турында таныклыклар алу мәсьәләләре буенча консультацияне 8(84364)2-63-49 номерына шалтыратып алырга була.

Фото: район ЮХИДИ идарәсе