Кәчимирдән Салих Шәрипов: Халык фикерен тыңладылар

Кәчимир авылындагы Яшел урамына 2014 елда вак таш җәелгән иде. Әмма ягулык станциясе ягыннан төшкән яңгыр сулары аны яраксызга чыгарды. Быел үзара салым акчалары хисабына урамыбыз юлы кабат төзекләндерелде. Районның Фирдәил Шәрипов җитәкчелегендәге “Чиста шәһәр” оешмасы хезмәткәрләре шушы көннәрдә авылда зур күләмле эш башкардылар. Грейдерчы, катокчы, шофер егетләр һәм әлеге эшкә үз өлешен керткән хезмәткәрләр урамга су төшмәслек итеп вак таш түшәделәр, халык фикерен дә тыңладылар. Бик күңелебез булды. 
Салих ШӘРИПОВ, Кәчимир 
Фото: “Хезмәт даны”