Кукмарада мәгариф хезмәткәрләренең август киңәшмәсе узды
Киңәшмәдә чыгышлар тыңланды, киләчәккә бурычлар билгеләнде.
Кукмара 3нче урта мәктәбендә мәгариф хезмәткәрләренең август киңәшмәсе узды. Анда мәктәп директорлары, аларның урынбасарлары, укытучылар, бакча мөдирләре белән берлектә район башлыгы Сергей Димитриев, республика белем бирү сыйфатын мониторинглау үзәге директоры Булат Юнысов, район Башкарма комитеты җитәкчесе Азат Гарифуллин, район мәгариф идарәсе җитәкчесе Илфат Әхмәдуллин һәм башкалар катнашты.
Кунаклар, төркемнәргә бүленеп, мәктәп яны тәҗрибә участогын карадылар, өченче урта мәктәпнең башлангыч сыйныфлар өчен булган яңа корпусында һәм «Чулпан» балалар бакчасында бизнес-проектлар, күргәзмәләр белән таныштылар.
Пленар өлештә Россия Федерациясе мәгариф министры Сергей Кравцовның видеомөрәҗәгатен тыңлаганнан соң, киңәшмәдә катнашучыларны район башлыгы Сергей Димитриев сәламләде, уку-укыту, тәрбия бирү өлкәсендә ирешкән уңышларга тукталды, киләчәккә бурычлар билгеләде һәм яңа уку елында уңышлар теләде.
Киңәшмәдә республика белем бирү сыйфатын мониторинглау үзәге директоры Булат Юнысов, район мәгариф идарәсе җитәкчесе Илфат Әхмәдуллин, Кукмара 3нче урта мәктәбе директоры Диләрә Ганиева, шәһәрнең 7нче номерлы «Чулпан» балалар бакчасы мөдире Рузалия Гобәйдуллиналарның чыгышы тыңланды.
Чыгышлар соңында мәгариф хезмәткәрләре бүләкләнде.
фото: Алсу Сәләхетдинова/ «Кукмор-информ»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Галерея
Оставляйте реакции
Нет комментариев