Зур Сәрдектән язалар

8 августта Зур Сәрдек авылы китапханәсендә "Хайваннар дөньясында" дип исемләнгән викторина үткәрелде. Әлеге викторинаның максаты - китап укучы балаларда табигатькә сакчыл караш тәрбияләү, табигать турында булган белемнәрен арттыру, хайваннар турындагы китапларны пропагандалау иде.

10 августта "Нинди китап укысаң, шундый бала булырсың" дип исемләнгән әңгәмә үткәрелде. Әңгәмә вакытында китап укучыларга әдәби әсәрләр аша әхлак тәрбиясе бирү, балалардагы дуслык, бер-береңә ярдәмләшү сыйфатларын арттыру, матур әдәбиятны пропагандалау турында барды. Материал итеп Роберт Миңнуллинның "Бүтәннәр күрмәсә дә", Йолдызның "Хәерле иртә" шигырьләре файдаланылды.