Кукмарада исерек шофер тоткарланган

Бүген, 2 майда, иртәнге сәгать 8.30лар тирәсендә, поселокның Ленин урамы, 155 йорт тирәсендә исерек хәлдә руль артына утырган шофер тоткарланды, дип хәбәр иттеләр район юл хәрәкәте иминлеге дәүләт инспекциясеннән.

-Транспорт йөртү таныклыгыннан мәхрүм ителгән килеш транспортта йөргән "Лада-Приора" шоферы район эчке эшләр бүлегенә китерелде, автомобиле исә штрафлар тукталышына куелды, - ди ЮХИДИ начальнигы Фирдүс Фәхретдинов. - Юлларда һәркемнең игътибарлы һәм сак булуын, кагыйдәләрне төгәл үтәүләрен сорыйбыз.