Агачларда сары моң гына (шигъри мизгел)
Ерагая ара, нинди юллары бар Туктатырга көннәр агышын? Еракларга киткән якларыңнан Ишетелә кебек тавышың. Киткән юлларыңа карый-карый, Сагыш кына каплый күземне. Сине сагынудан сыкрый йөрәк, Яшем белән юам йөземне. Көз көннәре бик ямансу була, Торналар да инде киттеләр. Сары яфракларга яшьләр тама: Кыр казлары елап үттеләр. Саубуллашам киек казлар белән,...
Ерагая ара, нинди юллары бар
Туктатырга көннәр агышын?
Еракларга киткән якларыңнан
Ишетелә кебек тавышың.
Киткән юлларыңа карый-карый,
Сагыш кына каплый күземне.
Сине сагынудан сыкрый йөрәк,
Яшем белән юам йөземне.
Көз көннәре бик ямансу була,
Торналар да инде киттеләр.
Сары яфракларга яшьләр тама:
Кыр казлары елап үттеләр.
Саубуллашам киек казлар белән,
Яшем тама җиргә тын гына.
Язлар белән кайтыр кыр казлары.
...Агачларда сары моң гына.
Кәүсәрия ГАЛИУЛЛИНА, Манзарас
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Оставляйте реакции
Нет комментариев