8 июньдә социаль хезмәткәрләр үзләренең һөнәри бәйрәмнәрен билгеләп үтәчәкләр. Шул уңайдан Кукмара муниципаль район башлыгы Сергей Димитриев аларны бәйрәм белән котлады.
- Сезнең һөнәрегезнең мөһимлелеген бәяләп бетерү мөмкин түгел, чөнки авыр тормыш хәлендә калган кешеләргә ярдәм итәсез, сезнең тырышлыгыгыз нәтиҗәсендә өлкәннәр һәм балалар тулы канлы яшәү рәвеше алып баралар, - диелә котлауда. - Сезнең өчен чит бәхетсезлек юк, башкаларның проблемасын үзегезнеке кебек кабул итәсез. Күңелегезнең кешеләр өчен һәрчак ачык булуы, хезмәт тәҗрибәгез һәм югары һөнәри осталыгыгыз өчен зур рәхмәт. Чын күңелдән уңышлар, нык сәламәтлек телим. Кылган изгелегегез, күрсәткән яхшылыкларыгыз өчен гел рәхмәт сүзләре генә ишетергә язсын!
«Кукмор Татарстан» МАКС каналына язылыгыз
Нет комментариев