Кукмара районында быел 245 малай, 215 кыз бала туган

(Кукмара, 21 сентябрь, "Хезмәт даны"). Район ЗАГС бүлегеннән алынган мәгълүматларга караганда, быелның 8 аенда районда 460 бала туган. 135 гаиләдә - беренче, 194ендә - икенче, 96сында - өченче, ә 38ендә дүртенче һәм аннан соңгы балалар дөньяга килгән. Яңа туган сабыйларның 245е - малайлар булса, 215е - кызлар. Иң өлкән әтигә быел - 55, иң өлкән әнигә 47 яшь тулган. Яшь әни 17 яшьлек, ә яшь әти 18дә. Статистика мәгълүматларыннан күренгәнчә, демографик хәлнең узган елгыдан яхшырак булуы поселокның үзендә, Зур Кукмара, Кәркәүч, Лельвиж, Мәмәшир, Түбән Үрәс, Югары Чура, Ядегәр һәм Янил җирлекләренә туры килә. Кукмарада, 16 авыл җирлегендә дә туучылар саны, үлүчеләр саны белән чагыштырганда күбрәк.