"Инвожо" Халыкара бәйгедә грантка ия булды (фото)

Ансамбль Сочида узачак "Халык чыганаклары" Халыкара конкурсында катнашачак

Казанда "Платформа" милли мәдәният, фольклор һәм заманча сәнгать Халыкара конкурсы узды. 500гә якын катнашучы арасында районыбызның Геннадий Әхмәтов җитәкчелегендә уңышлы гына эшләп килүче "Инвожо" халык фольклор ансамбле дә бар иде.

Бәйге нәтиҗәләре буенча ансамбль "Халык һәм фольклор йолаларын саклаган өчен" дигән махсус бүләккә лаек булды, "Фольклор", "Катнаш төркем" номинациясендә беренче дәрәҗә лауреат исеме алды, 2018 елда Сочида узачак "Халык чыганаклары" Халыкара бәйгесендә катнашу өчен 10 мең сумлык грантка ия булды, дип хәбәр итте ансамбль җитәкчесе Геннадий Әхмәтов.