Атлас Булатов исемендәге паркта яшел фитнес күнегүләре узачак

Кукмараның Атлас Булатов исемендәге паркыннан көне буе кеше өзелми. Дөресрәге, биредә бала-чага тавышы тынып тормый. Алар паркта урнаштырылган уен мәйданчыкларында күңел ача. Хәер, сәламәтлекләрен ныгытырга теләүче яшьләр дә, хәтта өлкән буын да парктагы тренажерларда рәхәтләнеп шөгыльләнә, ял итә. Сүз уңаеннан, 21 июльдә 18.00 сәгатьтән 19.00 сәгатькә кадәр яшел фитнес (чирәмдәге фитнес) белән шөгыльләнергә яратучылар өчен тренер җитәкчелегендә күнегүләр үткәрелә. Яшь чикләнми. Үзегез белән кечкенә келәм алырга кирәк.