Кукмараның мәдәният һәм ял паркына Атлас Булатов исеме бирү хәбәрен шатланып каршы алдым

Атлас Булатов чорында районыбыз төзелеш мәйданын хәтерләтә иде. Ул үзенең тырышлыгы белән башкаларга үрнәк булып торды. Кукмараның шәһәр тибындагы бистәгә әверелүенә дә без аңа бурычлы. Моның өчен Кукмара урамнары аша канализация үткәрү шарт булып тора. Ә баштагы проект буенча канализация поселокны читләп үтәргә тиеш була. Атлас Булатов исә проектны яңадан төзүгә ирешә. Моңа барлык хуҗалык җитәкчеләре дә тартыла.

Бистәбезнең мәдәният һәм ял паркына Атлас Булатов исеме бирү турындагы хәбәрне мин ихлас күңелдән шатланып каршы алдым.

Рафак ЯКУПОВ, мәгариф ветераны