Яңа ел табынына французларча кыздырылган ит

1 килограмм иткә шул ук күләмдә шампиньон гөмбәсе, уртача зурлыктагы ике суган, 100әр грамм ике төрле сыр (адыгей һәм российский), 2-3 помидор, тоз, борыч, майонез, горчица.

Гөмбәне юып, озынча итеп турап, суган белән кыздырабыз. Сырларны эре угычтан уабыз. Итне 10 сантиметр зурлыктагы кисәкләргә турыйбыз, махсус чүкеч ярдәмендә төябез. Табага пергамент кәгазе куеп, итне тезеп чыгабыз. Өстенә бераз майонез, горчица, тоз, борыч сибәбез. Шуннан соң гөмбәне, аның өстенә помидор кисеп куябыз. Башта адыгей, аннары каты сырны угычтан уабыз. Духовканы 200 градуска кадәр җылытабыз. 40-45 минут пешерәбез.