Кукмарада рейд вакытында Дәүләт автоинспекциясе хезмәткәрләре исереклек билгеләре булган машина йөртүчене ачыклаганнар
Рейд барышында юл хәрәкәте кагыйдәләрен бозуның барлыгы 12 очрагы ачыкланган.
10 октябрьдә 8.00 сәгатьтән 10.00 сәгатькә кадәр Кукмараның Чернышевский урамында Дәүләт автоинспекциясе хезмәткәрләре участок уполномоченныйлары белән берлектә «Тоннель» операциясе үткәрделәр. Бу хакта районның Дәүләт автоинспекциясендә хәбәр иттеләр.
Рейд барышында юл хәрәкәте кагыйдәләрен бозуның барлыгы 12 очрагы ачыкланды. Алар арасында 7се — дәүләт номерлары укылмый торган транспорт белән идарә итү, 3се — куркынычсызлык каешын куллану, 1се — җәяүле тарафыннан юл йөрү кагыйдәләрен бозу.
Моннан тыш, исереклек билгеләре булган машина йөртүче дә ачыкланды. Аның транспорт чарасы махсус тукталышка урнаштырылды.
Районның дәүләт автоинспекциясе машина йөртүчеләрне массакүләм тикшерү эше даими рәвештә алып барылачагын искәртә.
фото: Эльвира Иванова/ «Кукмор-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
«Кукмор Татарстан» Telegram-каналга язылыгыз
Оставляйте реакции
Нет комментариев