Зур Кукмарадан Газинур Гаязетдинов: Кайбер кешеләрдәге  ваемсызлыкка таң калырсың

Күптән түгел Зур Кукмара авылыннан ерак булмаган “Кырмыскалык” дип йөртелүче җиргә җиләккә барган идем. Кайбер кешеләрдәге  ваемсызлыкка таң калырсың.  Каен миллеге җыябыз, дип, биш-алты төп 10-12 сантиметр юанлыктагы яшь агачларны төпләреннән үк балта белән чабып, ботарлап бетергәннәр. Болай явызларча кыланмыйча, җитлеккәнрәк каеннарның ботакларын гына да алырга була бит?!
Сүз уңаеннан әйтеп китим: урман-кырларга чыксаң, кая карама машиналар белән алып килеп ташланган чүп-чар өеме күренә. Бу начар гадәттән дә арынасы, табигатькә сак карауга өйрәнәсе иде. 
Газинур ГАЯЗЕТДИНОВ, Зур Кукмара

фото: instagram.com/gu1nara7