Татарстанда коронавирустан унөченче кешенең гомере өзелгән

Татарстанда Covid-19 диагнозы куелган унөченче кеше вафат булган. Бу турыда «Татар-информ» мәгълүмат агентлыгына ТР Президентының матбугат хезмәте җитәкчесе Лилия Галимова хәбәр итте.

1963 елгы Чистайда кешесе Чистай район үзәк дәваханәсенең вакытлы йогышлы авырулар госпиталендә госпитальләштерелә. 1 июньнән ул COVID-19 инфекциясе китереп чыгарган авыр дәрәҗәдәге ике яклы полисегментар вирус пневмониясе белән стационар дәвалануда булган.

4 июньдә ир кешенең хәле кискен начарая. Аны интенсив терапия палатасына күчерәләр. 11 июньдә аның гомере өзелә.
Үлем сәбәбе патолого-анатомик экспертиза нәтиҗәсендә ачыклана.

фото: «Татар-информ»