Татарстанда коронавирус белән авыруның 38 яңа очрагы расланган

Татарстанда соңгы тәүлек эчендә Covid-19 белән зарарлануның 38 яңа очрагы ачыкланган. Бу хакта коронавирус буенча оператив штаб хәбәр итә, ди «Татар-информ». 

15 кеше дәваханәгә урнаштырылган, 23 кеше өйләрендә дәвалана. Барлык очраклар да авырулар белән якыннан аралашканнан соң эләктерелгән.

Казанда – 21, Яшел Үзән районында - 6, Питрәч районында - 4, Түбән Кама районында - 3, Саба районында - 2, Әлмәт һәм Баулы районнарында коронавирус белән зарарлануның берәр очрагы ачыкланган.

Татарстанда бу вакыт эчендә 4749 кешедә Covid-19 теркәлгән, 3589 кеше терелгән. 

Фото: «Татар-информ»

«Кукмор Татарстан» Telegram-каналга язылыгыз