Хезмәт даны
  • Рус Тат
  • Кукмарадан 23 гаилә яңа туган бала өчен бүләк комплекты алды

    Бүләк комплекты бала тудыру йорты тарафыннан әни белән бәләкәч өйгә чыгарылган вакытта бирелә.

    Бала тудыру йорты тарафыннан әни белән бәләкәч өйгә чыгарылган вакытта бирелә торган бүләк комплектына ия булу өчен 23 гаилә республика матди ярдәм күрсәтү үзәгеннән гариза алды. Бу турыда Кукмара районының социаль яклау бүлегеннән хәбәр иттеләр.

    Татарстан Республикасы Министрлар Кабинетының 2019 елның 4 декабрендәге карары нигезендә яңа туган сабыйлары булган гаиләләр бала кирәк-яраклары салынган комплект белән тәэмин ителә.

    Җыелма кемнәргә бирелә?

    - 2020 елның 1 гыйнварыннан соң туган сабыйларга;

    - даими рәвештә Татарстанда яшәүчеләргә;

    - гаиләнең җан башына уртача кереме яшәү минимумыннан артмаган гаиләләргә.

    Бүләк комплекты бала тудыру йорты тарафыннан әни белән бәләкәч өйгә чыгарылган вакытта бирелә. Чыгарылыш көнендә әлеге җыелма алынмаган очракта гаиләгә (әти-әни, опекун) аны бала туганнан соң, алты айдан да соңга калмыйча, бала тудыру йортыннан килеп алырга була.

    Гаиләнең җан башына уртача керем күләме турында белешмә алу өчен, яшәү урыны буенча республика матди ярдәм күрсәтү үзәге бүләгенә түбәндәге документларны тәкъдим итәргә кирәк:

    - документлар, раслаучы керемнәр һәр гаилә әгъзасының өч ай элек, алдагы ай өчен гариза бирү турында белешмә;

    - йөклелек чорында хатын-кыз белешмәсе сорап мөрәҗәгать иткән очракта хатын-кыз консультациясеннән яисә аны исәпкә куйган башка медицина оешмасыннан белешмә;

    - баланың туу турындагы таныклык күчерелмәсе.

    Белешмә алу өчен мөрәҗәгать иткәндә гариза бирүченең паспорт күрсәтүе сорала.

    Барлык сораулар белән дә түбәндәге адрес буенча мөрәҗәгать итәргә була: Кукмара шәһәре, Ворошилов урамы, 44 йорт. Телефон: 2-61-09, 2-83-94, 2-76-11.

     

    фото: elabuga-rt.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: