Кукмара укучысы технология буенча Бөтенроссия олимпиадасында җиңү яулады

8-14 апрель көннәрендә Санкт-Петербург шәһәрендә узган технология буенча Бөтенроссия олимпиадасының йомгаклау этабында Кукмара 4нче урта мәктәбенең 11 сыйныф укучысы Лилия Баһаветдинова җиңү яулады. Ул “Вакытларны бәйләүче җеп” иҗади проектын тәкъдим итте.
Бүгенге көндә Бөтенроссия олимпиадасының йомгаклау этабында призер яки җиңүче булган укучы, Россиядәге теләсә кайсы югары уку йортын сайлап,  олимпиаданың профильле юнәлеше буенча имтиханнарсыз укырга керү хокукы ала.