Кукмара районында 12.00 сәгатькә 77% кеше тавыш бирде

12.00 сәгатькә Кукмара районында сайлаучыларның 77 проценты тавыш биргән. Тавыш бирү тәртип бозуларсыз уза, бу хакта районның территориаль сайлау комиссиясе хәбәр итә.

Исегезгә төшерәбез, бүген, 13 сентябрьдә, бердәм тавыш бирү көне уза. 7.00 сәгатьтән районда 73 сайлау участогы эшли башлады, шуларның 10сы Кукмара шәһәрендә.

Сайлау участоклары 20.00 сәгатькә кадәр эшләячәк.

Санитар-эпидемиологик хәл аркасында барлык сайлау участокларында да санитар чикләүләр кертелде. Тавыш бирүчеләр битлекләрдә булырга тиеш, ә менә перчаткалар кию мәҗбүри түгел. Участокларда дезинфекцияләүче келәмнәр һәм антисептиклар урнаштырылган.

Фото: Эльвира Миннәхмәтова/ «Хезмәт даны»