Якташыбыз Әнвәр Гадиев «Мин бит татар малае-2023» конкурсында катнашты

Алабуга шәһәренең «Алтын балык» балалар бакчасында Россия күләмендә икенче тапкыр «Мин бит татар малае-2023» иҗади бәйгесе узды. 

Конкурска Оренбург, Пермь өлкәсе, Башкортостан, Удмуртия, Татарстанның төрле район һәм шәһәрләреннән 40 якын эш кабул ителгән. 

Финалга чыккан 12 малай «Татар малае-2023» исемен алу өчен көч сынашты. Шулар арасында «Кыңгырау» балалар бакчасының зурлар төркемендә тәрбияләнүче Әнвәр Гадиев та (җитәкчесе - балаларны татар теленә өйрәтүче тәрбияче Рәйханә Степанова) бар иде. 

Бәйге нәтиҗәләре буенча Әнвәр «Иң сәләтле малай» номинациясендә җиңүче дип табылды, дип хәбәр итте балаларны татар теленә өйрәтүче тәрбияче Рәйханә Степанова.