"Ахырзаман" фильмын монтажлый башладылар

"Мәхмүдфильм" киностудиясе май аенда төшерә башлаган "Ахырзаман" фильмын төшерүен тәмамлап, аны монтажлауга кереште. Хәзер төшерү группасы Мәхмүд Заһидиның "Әче балан" дигән әсәре буенча яңа фильм эшләүгә тотынган. Искәртеп узабыз, әлеге фильмнарның барысы да Кукмара җирлегендә төшерелә һәм биредәге барлык катнашучылар да кукмаралылар. Фильмнарның баш режиссеры - Фәнис Камал, продюссеры - якташ язучыбыз, журналист - Заһид Мәхмүди. Чиратта тагын "Чияләнгән төен" дигән фильм да бар. "Ахырзаман"ны исә киләсе елга "Алтын мөнбәр" халыкара мөселман киносы фестивалендә күрергә мөмкин булачак.

фото: http://filmz.ru/photos/48630/full/