Кукмара 4нче мәктәбенең ветеран укытучысы озак еллар көндәлекләр алып барган

-1989 елда Кукмара 4нче урта мәктәбенә эшкә килдем. Беренче көннән үк мәктәп көндәлеген булдырып, шушы коллективның бар тормышын яктыртып бардым. Бүгенге көндә бу язмалар мәктәп тарихының аерылгысыз өлеше булып торалар. Күптән түгел алар китап булып басылып чыкты.

-Бик сирәк кенә зур вакыйгаларны язып куям. Күбрәк үзем эшләгән урын белән бәйле язмалар җыела. 2006 елда Иске Пенәгәр мәчетенә имам итеп билгеләнгәч, ел мәчет көндәлеге алып бардым. Аны да мәчетнең 180 еллыгы бәйрәменә китап итеп чыгардык.

-Мәктәп көндәлеге мәктәптә саклана, мәчетнеке - мәчетебездә. Бик коры язылган, күбрәк фактлар гына бирелгән, укылырлар микән дип борчылган идем. Чират торып укыйлар. Белмим, ни өчен шулкадәр кызыксыналардыр? Рәхмәт тә әйтәләр әле.

-Әлбәттә, 1989 елдан 1996 елны кертеп, аннан 10 ел туктап торып, 2006-2008 елларда Болгар археологик экспедицияләре көндәлекләре алып барылды. 1999 елда Кукмарада уздырылган казу эшләре турындагы язмалар да саклана. Алар тарихи яктан да, анда катнашкан укучыларның фикерләре белән язылган булуы белән дә бик кызыклы. 4-6 сыйныфларда укыган балалар күбесе хәзер инде укып чыгып, төрле урыннарда хезмәт итәләр. Әмма Болгар алар күңелендә онытылмаслык булып калган. Беренче очрашуда ук шул казу эшләре турында сөйләшә башлыйлар. Аларның шул вакыттагы истәлекләре дә саклана.

-Аллаһның рәхмәте белән, 28 ел көткәннән соң Болгар көндәлекләрен бастыруга хәзерләп тапшырдым. Алар ике китап булып чыгачак, мин үзем дә зарыгып көтәм инде.

-Кызыксынган кешеләргә, бигрәк тә үзләре Болгар экспедицияләрендә катнашкан элекке укучыларыбызга минем үземә мөрәҗәгать итәргә мөмкин. "ВКонтакте" социаль челтәрендә шәхси битем бар (Зиятдин Назмутдинов), шунда телефон номерым күрсәтелгән.