Төнлә бераз кар явуын дәвам итә, әмма көндез сизелерлек явым-төшем көтелми.
18 ноябрьдә Татарстанда салкынча һава торышы саклана, явым-төшем туктый. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә, дип яза «Татар-информ» МА.
Республикада аязучан болытлы һава торышы булачак. Төнлә бераз кар явуын дәвам итә, әмма көндез сизелерлек явым-төшем көтелми. Иртән кайбер урыннарда төнлә төшкән томан саклана.
Көньяк-көнчыгыштан һәм көньяктан секундына 4-9 метр тизлектә исүче җил көндезге сәгатьләрдә, шул исәптән Казанда, урыны белән секундына 12 метрга кадәр көчәя.
Төнлә температура 0..-5 градус тәшкил итсә, көндез Татарстанда һава −1..+2 градуска кадәр җылыначак.
Фото: «Татар-информ» МА
Нет комментариев