Татарстанда яшәү минимумы күләме 17 мең сумнан артачак
Соңгы яңалыклар

Татарстанда яшәү минимумы күләме 17 мең сумнан артачак

Яшәү минимумы күләме социаль ярдәм һәм түләүләр зурлыгына йогынты ясый.

Татарстан Хөкүмәте 2027 елга республикада яшәү минимумы күләмен раслады. Тиешле документны ТР Премьер-министры Алексей Песошин имзалады, дип яза «Татар-информ» МА.

2027 елда Татарстанда яшәү минимумы 17 193 сум тәшкил итәчәк. Эшкә яраклы халык өчен бу күрсәткеч — 18 740 сум, пенсионерлар өчен — 14 786 сум, балалар өчен — 16 677 сум булачак.

Яшәү минимумы күләме социаль ярдәм һәм түләүләр зурлыгына йогынты ясый, бу күрсәткеч ел саен билгеләнә.

Фото: «Татар-информ» МА


Нет комментариев